Paroles Chemin des dames

Paroles de la chanson Chemin des dames :
Vecu un pratu sott'à lu sole
e tanti panni tesi nantu,
un acellu piglia lu so volu
é aghju lu mio core frantu.

Culà l'occhji spenti Miola sunieghja
culà u mio estru corre à fideghja
culà ci s'hè firmata la mio vita.

Vecu un pagliaghju fumichendu
compulu à l'ora di a munta
è a mio memoria s'accende
per un pizzacciu di pane untu.

Culà Francesc'Antone zappa l'ortu
culà vecu ballà e barche in portu
culà ci s'hè firmata la mio vita.

Vecu una scola è un tavulone
sentu mughjà mille zitelli
è di babbo tante canzone
mi danu lu fretu à a pella.

Culà Fasgianu trascina duie legne
culà sentu lu mio paese pienghje
culà ci s'hè firmata la mio vita.

Vecu una ghjesgia sott'à l'invernu
dui tizzoni è un casgile
a piaghja cutata è inferma
ch'aspetta lu mese d'aprile.

Culà sentu u ventu frà i pini
culà di Roccu sentu u viulinu
culà ci s'hè firmata la mio vita.

Vecu un chjarasgione fiuritu
è sentu fiscà i pastori
è tanti mumenti felici
l'aghju inchjudati in lu mio core.

Culà vecu a neve per i chjassi
culà sempre voltenu i mio passi
culà ci s'hè firmata la mio vita

[ Merci à nene2102 d'avoir ajouté ces paroles ]