Paroles de Nostalgia
Antoine Ciosi
Nostalgia
Rivecu a mio Mamma
Bella cum’è a trent’anni
Incu li so fiori in pettu
Colti dà a matina
E rivecu u mio Babbu
Incu stù capellu neru
Chi cullava in paese
Trà mezzu alle vigne
U fiume di à vita
Corre tropp’ in furia
Oghje anu tutt’è dui
I capelli di nebbia
Ma eiu i vecu sempre
Incu l’ocghji d’un zitellu
E quandu pensu à què
Mi vene a nostalgìa.
Duie loghje è un sulaghju
E un vecchju scalone
A casa induve sò nattu
Un’ era un palazzu
Rigali per natali
Ci n’era poccu e micca
Ma aghju campatu quì
I più bell’anni di a miò vita.
Un’ era la miseria
Benchì s’assumigliva
Ma c’era sempre u sole
Pò c’era l’amicizia
In stù paese persu
In stù paese caru
E quandu pensu à que
Mi vene a nostalgìa.
Ma quandu pensu a tè
Tandu mi scappa u pientu
Tuttu st’amore persu
Un’ mi ne possu scurdà
Ma quandu pensu a tè
Si calmanu li venti
Si spenghjenu li focchi
E nasce a nostalgìa.
E rivecu li vecchji
Chi si ne sò andati
Per ste macchje fiurite
Quassù in paradisu
S’hanu lasciatu quì
Troppu piazze viote
Incun’elli Ghjesu Christu
Parlerà u corsu
Dumè s’ hè spatriatu
Antone si n’ hè mortu
E pò a scola l’anu chiosa
Un’ c’era che tre zitelli
Un pinzzutu a cumpratu
Induve c’era un mulinu
E quandu pensu a que
Mi vene a nostalgìa.
Ma quandu pensu a tè
Tandu mi scappa u pientu
Tuttu st’amore persu
Un’ mi ne possu scurdà
Ma quandu pensu a tè
Si calmanu li venti
Si spenghjenu li focchi
E nasce a nostalgìa.
InterprèteAntoine Ciosi
LabelVIR
Paroles ajoutées par nos membresAds300x600
