Ou suis je ?
Paroles Ensemble Perceval Nu Alrest Lebe Ich Mir Werde lyrics

Paroles Ensemble Perceval Nu Alrest Lebe Ich Mir Werde

Nu Alrest Lebe Ich Mir Werde

sit min sündic ouge siht

daz reine lant und ouch die erde

den man vil der eren giht

mirst geschehen des ich ie bat

ich bin komen an die stat

da got mennischlichen trat



schoeniu lant rich unde here

swaz ich der noch han gesehen

so bist duz ir aller ere

was ist wunders hie geschehen

daz ein magt ein kint gebar

here über aller engel schar

was daz niht ein wunder gar



hie liez er sich reine toufen

daz der mensche reine si

do liez er sich herre verkoufen

daz wir eigen wurden fri

anders waeren wir verlorn

wol dir sper kriuz unde dorn

we dir heiden deist dir zorn



do er sich wolte übr uns erbarmen

hie leit er den grimmen tot

er vil riche durch uns armen

daz wir komen uz der not

daz in do des niht verdroz

dast ein wunder alze groz

aller wunder übergnoz



hinnen fuor der sun zer helle

von dem grabe da er inne lac

des was ie der vater geselle

und der geist den niemen mac

sunder gscheiden est al ein

sleht und ebener danne ein zein

als er abrahame erschein



do er den tievel do geschande

daz nie keiser baz gestreit

do fuor er her wider ze lande

do huob sich der juden leit

daz er herre ir huote brach

und man in sit lebendic sach

den ir hant sluoc unde stach



dar nach was er in dem lande

vierzic tage do fuor er dar

dannen in sin vater sande

sinen geist der uns bewar

den sant er hin wider zehant

heilic ist daz selbe lant

sin name ist vor gote erkant



in diz lang hat er gesprochen

einen angeslichen tac

da diu witwe wirt gerochen

und der weise klagen mac

und der arme den gewalt

und der wirt an ime gestalt

wol im dort der hie vergalt



kristen juden unde heiden

jehent daz diz ir erbe si

got sol uns ze rehte bescheiden

durch die sine namen dri

al diu welt diu stritet her

wir sin an der rehten ger

reht ist daz er uns gewer

[ Merci à colomiers d'avoir ajouté ces paroles ]
» Corriger les paroles ?

Envoyer ta dédicace au sujet de Ensemble Perceval :




LES DEDICACES POUR Ensemble Perceval
  • Par le GreatMaster

    Aucun commentaire pour Ensemble Perceval ! Si tu veux etre le premier a mettre ton commentaire, tu peux le poster en utilisant le formulaire ci-dessous.

Actualité Musique

Actualité People

Paris Hilton recalée par Paul McCartney !

Paris Hilton recalée par Paul McCartney !
La starlette américaine voit grand et rêve d'un duo avec Paul McCartney, qui, lui, n'est absolument pas partant.

Stars du Moment

Plus de Musique