Paroles de El Madi Rani Ghlali Babou
Guerouabi El Hachemi
أبدا عمري
الدهر خانني وقطـــع لأسباب إيام السرور كي لمنام للي راها
الدهر يدور على الورى ما ليه حراب مادام العبد تمتعت عينو بضياها
دوام الملك للمولى عاتق لأرقــاب تبقى دنية الغرور لمولاهـــا
أبدا عمري ما نزيد نتلفت لورايـــا الماضي راني غلقت بابو وقضيت عليه
امضات احوالو كلها حتى للنهايـــة ما باقي فالبال غير راحة بعد هواليـه
كي اللي شي ماصار بقات قصاتو غير حكاية اطفات شموعو وطاح ليل النسيان عليه
الماضي راني غلقت بابو وقضيت عليه
أقضيت على أهل الخدع والرشوة والشفاية بياعين القرد ويظحكوا على من يشريه
وإذا حقك كان باين يسطع كي لمرايــا القاضي بشطارتو يغمو ويغطيـــه
يحطم المظلوم ويزيد للظالم عنايـــة غاب الحق والباطل أنتصر وقوات ماليه
الماضي راني غلقت بابو وقضيت عليه
من الفعل المذموم طال ضري وكثر شكايا فعل الخير لا من يسومو ولا من يشريــه
والقاضي يبغي المال ويحب الهدايـــا وإلا ما عندكش روح شوف وين تبات الهيه
الرجوع إليك يا خالقي يا مولايـــا الحق دايم يعلى ولا يعلى عليـــه
الماضي راني غلقت بابو وقضيت عليه
هاذ الدنيا كلها في مسرح روايــة كل واحد فيها يمثل دورو رغما عليه
والغافل خليه راقد في غفلة وسهايـا إذا طال الحال لا بد حسابو يصفيـه
أفهم قولي يا لبيب وافهم رقة معنايا اللي ترهنو غير بيعو ما تندمش عليه
الماضي راني غلقت بابو وقضيت عليه
InterprèteGuerouabi El Hachemi
LabelIOD
Paroles ajoutées par nos membres
