Paroles de Lettera a fratellu
I Muvrini
LETTERA À FRATELLU
Ti scrivu à tè, fratellu paisanu
Per ditti quantu hè tristu lu me core,
Ti mandu assai suspiri è ti tendu la manu
Ma dammi torna tù un segnu d'amore
Voltati versu mè: t'aspettu à lu veranu
Ùn lascià più, fratellu, u tempu corre
Avvicinati à mè, ùn stà luntanu
Ùn dorme più tranquillu è spenseratu
Quandu si chjode a porta di a prigiò
Digià fratellu nostru hè imprigiunatu
Per avè solu dettu è cun ragiò:
"Vogliu stà in terra corsa, inde sò natu
È per fà piazza à l'altri ùn mi ne vò
Chì vive è more corsu mi sò ghjuratu!"
Avveniti a dulcezza di a nostra mamma
È lu so core sempre in allegria
Oghje di tanti strazi ella si lagna
È li dicenu: "Amme è cusi sia!"
Tù ùn poi lascialla more cum'è una cagna
Falla per cumpassione, torna una cria
Chì per l'ultima volta ella ti chjama
Ma s'è t'ùn faci prumessa è quì ùn ritorni
Ùn sunerà chè dolu u campanone
Ùn viderai mai più fumà i forni
A panca serà nuda, spintu u fucone
Truverai strangeri in li cuntorni
È senza fiori in manu ma lu bastone
Pensu ch'è averai capitu i me frastorni.
InterprèteI Muvrini
LabelIDL
Paroles ajoutées par nos membresAds300x600
