Paroles de Pressure We Hard
Jah Cure
Dem a pressure wi hard, hard
Nothing naw gwaan poor people a suffer
Real pard, God, anywhere dem si di loop hole dem a go fa
Mad, mad, people deserve a chance fi live better
Yuh no hear di baby bwal
Babylon yo bound fi fall
Dem a talk bout price increase
Babylon a really di beast
School fee, bus fear, light bill, food and soap
Cyaa buy out a five grand a week
Dem waan we fi a suffer inna gutter, inna famine
While di whole a dem up deh and a feast
If wi no get our equal right’s and justice
Dem naw go have no peace
Farmer cyaa get di chance pon di mountain
A bay helicaptor a rade
Man a try juggle likkle things pon di corner
Jeep load a Babylon come a invade
Don’t forget seh a di sweet Reggae music put Jamaica up pon di front page
How yuh fi lock off di people dem show before di big artist come pon di stage
High cost of living, yes wi haffi live through it
I cyaa depend pon Babylon promise
Seh yuh would a fix di road, yuh never do it
Seh yuh would a full di pot hole, yuh never full it
All wi a knock pon yo door yuh no pull it
All weh yuh give to di poor is bullet
Government corrupt and di leaders screwing
Fire haffi bun people just true few in
InterprèteJah Cure
Paroles ajoutées par nos membres
