FR
RSS
great iphoneOu suis je ?
Parole de Echamaâ lyrics
Jil Jilala
Paroles Jil Jilala Echamaâ
الشمعة
لله يا الشمعة سالتك ردي لي سآلي
وش بيك فالليالي تبكي مدى انت اشعيلا
علاش يا الشمعة تبكي ما طالت الليالي
وش بيك يالي تتهيء لبكا فكل ليالي
وعلاش كتباتي طول الديجان كتلالي
وش بيك يالي وليتي من دا البكا عليلا
علاش كتساهر داجك ما سهرو نجالي
وش بيك يا لي ما رينا لك فلبكا مثيلا
وعلاش باكيا مدالك للباكي والسالي
وش بيك يا لي تنصرفي بدرارك الهطيلا
وعلاش باكيا روعتي ناس لهوى امثالي
وشبيك يالي ظاهر حالك حالة لى وحيلة
اذا نشوف لصفرارك يصفارلو خيالي
واذا نشوف دبلتك زادت لخاطري دبيلة
سلتك لله عد لي اش جرى لك
وعلاش باكية مدالك
وش كان قصتك وش نهو ذاك
اش نهو ذاك باش رق خيالك
وكمن قامتك حنحالك
وتبات باكية لحبابك وعداك
لي دون خفا اشكي بما فدخالك
و احكي قصتك نصغى لك
وانا قصيتي بها نتعداك
لو جيت يا الشمعة نحكي لك كل ما جرى لي
تنسى غرايبك و تسمعي لغريبتي طويلا
اذا باكية من نارك نيران في ادخالي
عد ت كل نار فداتي وجوارحي عليلا
واذا باكية بسقامك شوفي سقم حالي
من قيس وارثو بعد فناه سقم حب ليلى
واذا باكية بفراقك مفروق عن اوصالي
وعلى الفراق صابر وش صبرني على لعقيلا
وانت منين جاك احكي لي اولي وتالي
ما فارقة خليل بحالي ما فارقة خليلا
لله يا الشمعة سالتك ردي لي سآلي
وش بيك فالليالي تبكي مدى انت اشعيلا
سألتك لله عيد لي ما اصابك …….. اش كان قصتك فمصابك
لي احكي خطابك وانا نصغاك
الغريم فاللغا يسطابك
ويجول في حديثك وجواب لغاك
لو كنت ذات شاكية بهذابك……… يعماو بالبكا اهذابك
لو كان اللي كفاك تصرخي بلغاك
في صولة العمالة كنت وكانوا لي أبطالي
قبايل لجناح لا تحكي كيفها قبيلا
يشيدو بروج فلعمالة كل برج مالي
ويعمروا بروج من مواهب ربنا جزيلا
فيهم كيحجبو كيف الملوك فالليالي
وايام الربيع يخرجوا للبطايح الحفيلة
طلاب جاو الي هزمو بالحامية ابطالي
تركو عمالتي بعد العز فحالها ذليلا
وليت للعصارة شهد صفاوه من امصالي
صابوه قوت ودوا للذات الفانية العليلا
ومن امصالي صفاو شماعي يا اللي صغا لي
وحكايتي للقدام السيرة باقية طويلا
اسايلني يتدبروا لمسالك
تركوا حشاي في هالك
لو كان من الهند قوامي يهلك
داروني فتخوت زي ما يبدا لك
تبغي فقلبها عذالك
يتختوا حتى اسمتو بلاك
و خرجت من لتخوت لمهالك ……لقساوة الشموس كذلك
ذاتي يقصروا بهواجر وفلاك
وعلفتيل لفو توراقي يا لي صغا لي
بلا هوادة شعلوا فمواسطي فتيلا
نتفكر لعمالة و يزيد افراقها نكالي
نتفكر القصرة و تعود قلايدي هليلا
نتفكر العصارة وهجير الشاردة قبالي
ونقول وادب بكاي على ما صار لي اقبيلا
يحق لي بكاي على الغربة ما وجدت والي
يا مسلمين حبابي وسلامتي قليلا
شحال من عذاب جرى لي وبه ما نبالي
يا شوم ليعتي وبلايا وصادفت كل حيلا
شحال من هلاك جرى لي اما الشعيل تاليه
هذا لعشور فالواقع بيا غاية لقتيلا
يا وعدي و علاش يا الشمعة تبكي وانت فشان عالي
وجدوك يا الشمعة فمجالس رايقة حفيلا
وتبات يا الشمعة ترتي فضريح كل والي
وفشحال من مقام يشعلوك اهل الوسيلة
وتبات يا الشمعة بين اهل الشرح والامثالي
وعليك كيشرحو لكتب البازغة جميلا
وتبات يا الشمعة بين اهل المال والموالي
وعليك كيصرفو الاموال الطايقة الثقيلا
وتبات يا الشمعة بين العشاق ولغوالي
وعليك كيشاهد الخليل محاسن لخليلة
وتبات يا الشمعة فمساجد ربنا العالي
وعليك كيخرجو السلكات فليلة الفضيلة
نبغيك يا الشمعة تبكي في حرة الليالي
وانا على ذنوبي نبكي فمقام دار ليلى
لله يا الشمعة سالتك ردي لي سآلي
وش بيك فالليالي تبكي مدى انت اشعيلا
[ Merci à squamed d'avoir ajouté ces paroles ]
» Corriger les paroles ?
LES DEDICACES POUR Jil Jilala
Par le 2009/04/20 00:00
jiljilala c e n'est pas dhram c'est leopoque ghiwane reves revolution espoire lebirete un movment populaire comme la revolution de mai 1968 en france comme gr bitlese roling stonse dorse ping phloye bob marly daylin ext.....
Par bajouri le 2009/01/30 22:43
J aime beacoup jiljilala. darham cest jiljilala
Par aklim70 le 2009/01/18 20:37
la superbe équipe jil jilala restera pour l'étérnité dans nos mémoire avec leurs chansons de révolution , sociales et d'amour aussi que dieu les protège et les unissent à nouveau
Par malika le 2008/12/23 15:23
j vous adors vous etes parmi mes meilleur groupe
Par kader le 2008/10/23 19:59
je demander le livre klame elghiwan
Par E.T le 2008/10/16 22:46
jil jilala est l'un de mes groupe preférés , une belle musique , des paroles pleines de sens ... que demander de plus ??!! c'est un pur plaisir !
Par raf le 2008/06/03 00:51
le top de la chanson arabe..... sans donner d'arguments .. en algerie on aime ce genre
La suite de l'actu de Jil Jilala sur ton e-mail :
ILS EN PARLENT DANS LES FORUMS
Sois le premier a lancer un sujet sur Jil Jilala en cliquant ici !
Actualité Musique
Sept ans de prison requis contre Cheb Mami
Jeudi, le chanteur de raï comparaissait devant le tribunal de Bobigny. Sept ans de prison ont été requis contre lui.
Actualité People
Sept ans de prison requis contre Cheb Mami
Jeudi, le chanteur de raï comparaissait devant le tribunal de Bobigny. Sept ans de prison ont été requis contre lui.
