Paroles de Nebki Aaliha
Rabah Driassa
نبكي عاللي بقات في الشارع دلال
ضاع صغرها وعاد ما يسوى والو
اللي راهي بقات سهم القيل و قال
والفرد إذا طاح تكثر نصالو
هاذيك اللي قبيل كانت بنت رجال
ابخس بها السوق واعيا دلالو
راهي درك رماتها موجة الاهوال
و تلف بها اللوح و غرق بحمالو
نبكي عاللي سورها لاد بالاذبال
ماطاقتش لوحدها باعتدالو
يا ما اتعسها شكون عنها درك يسال
غدر بها كل من تدنالو
نبكي عاللي قبيل كانت بنت حلال
عادت عيب العصر هذا و اجيالو
نكروها حتى اللي هما عقال
كرهوها و لا بغاو دركة يعقالو
و اللحم إذا فاح و اشكون الحمال
إذا ناسه ما رضاو بتحمالو
خلوني نبكي عليها بكي الخال
و ابن آدم يبكي عمومه و اخوالو
نبكي عليها بكي الأم على الاطفال
بكي الكبدة جروح فيها ما زالو
نبكي بكي الأب في قلبه مشعال
واللي بنته ضحكت فيه امثاله
اعلى دخلة بير ما عندوش كمال
نبكي بكي الخو واخته دارتها لو
نبكي بكي الجيل و بكايا يطوال
عاللي دار الشعب فيها آمالو
InterprèteRabah Driassa
LabelIOD
Paroles ajoutées par nos membres
